كلام بنات

الأحد، يونيو 04، 2006

Feminist

إيه يا بنتي عرق الفيمنيست ده
ارد بحرقة .. أه بقا أنا فيمنيست .. و إذا كان عاجبك
ارد بحرقة و عصبية لاخبرك و كل الذكور حولك شيئاً اردت أن اقوله منذ زمن .. في الواقع أني لا اعرف من المذهب إلا اسمه و لم اصف نفسي أبداً اني كذلك .. لكنك استفزيتني و حرضتني لأقول لك نعم
لا افهم حقاً من اقر تلك المقاييس التي بها تصنف النساء حولك .. و أيضاً لا افهم لماذا تعين نفسك رقيب على مستوي انحدار الجمال من حولك .. فلتظل تلعن حظك التعس الذي جعلك تخلق في بلد من وجهة نظرك لم تمنح نسائها الكافي من الجمال .. و اصرخ اكثر لأنك خلقت بعيد عن الشمال المترف من فرط أمثلة الرشاقة و الجمال
هنا أو هناك ... تقيماتك مملة لأنك تري الدنيا و كأنها خلقت فقط لتعجبك .. استيقظ لأن النساء لم يعدن أبداً يدرن في فلكك
عن حق لا يهمني ان كانت اردافي تزيد بعض السنتيمترات عما تراه مثالي و لا يهمني اني اقصر مما يجب ... نعم جبهتي عريضة و أنا معتزة بها .. و ايضاً أنفي روماني و لن اسمح بممارسة مشارط التجميل عليه .. كلامك يصيبني بالمغص و حواراك الدائم يصيبني بالغثيان ... تقيميك لكل من تمر من فتيات حقيقي يصيبني بالقرف .. و اظن أن اكثرنا تجاوز هذه الحقبة التي مازلت أنت تقف عندها
لا يعنيني و لا يهمني .. فلتعجبك من تعجبك .. و لترضيك من ترضيك .. و اسفة لكل من ما زالت ترى في نفسها انها تتجمل لتعجب أحد الذكور القابعين هناك .. أنا هو أنا كما اراكِ و اقيمك يا نفسي و إن كنت لا اعجبك .. و كل ما أضيفه أنك أيضاً بمفهومي لست جميل و إن كان قبحك تعدى شكلك بكثير

31 تعليقات:

  • الموقف الذي تتخذيه ليس موقف فيمينزم ولكنه بالأحرى موقف موجه أتجاه قبول الذات وأدراك جمالها. ÷و موقف تحرر من رؤية أنفسنا من خلال عيون الأخرين.

    حسب Blogger The Eyewitness, في 4/6/06 12:53 م  

  • ممكن برضة يا eyewitness
    بس أنا قصدي برضة اني مش بطيق فكرة تقييم النساء تبعاً لخلقتهم .. حتى لو لم يصيبني شخصياً شيئاً من النقد .. يمكن أنا ماوضحتش ده كفاية في البوست

    سأحاول التعديل

    Thanks indeed for your comment

    حسب Blogger Dido's^^^, في 4/6/06 1:00 م  

  • البوست رائع وجميل، خللى اللى على شاكلة أخينا ده يدور على موديل لغاية ما يلاقيها وتتطلع عينه بعدها
    Keep it up Dido's

    حسب Blogger Lilli, في 4/6/06 7:05 م  

  • عود حميد يا جماعه

    بوست حلو

    حسب Blogger moro, في 4/6/06 10:43 م  

  • جميل يا ديدو

    بس عارفة المشكلة كمان البنات اللي اتربوا على الثقافة دي بالفعل و بقت جزء من وعيهم و الهوس الحالي بالتجميل و الحاجات دي على حساب حاجات أهم له علاقة بكده
    والأسوأ الولد اللي بيفكر بالمنطق ده و بينسى انه كلامه بينطبق برده على الولاد . يعني البنات كمان بيبصوا دلوقتي للجمال لشكلي في الولاد و بينتقدوه
    it goes vice versa now

    حسب Blogger arabesque, في 4/6/06 10:48 م  

  • و اسفة لكل من ما زالت ترى في نفسها انها تتجمل لتعجب أحد الذكور القابعين هناك


    يابنتى بتقولى درر والله العظيم...
    من زمان بقول للعالم كدة والكل بيتهمنى انى مسترجلة وكلام أحمق من هذا القبيل
    الفكرة مش فى الشكل.. الفكرة فى المضمون اللى للأسف الجنس الآخر بيحاول يطمسه ويمحى شخصية المرأة لمجرد دمية تتحط فى الفاترينات لمتعة العين

    فكرتينى دلوقتى بالسطر دة لسعاد الصباح فى قصيدة كن صديقى اللى غنتها ماجدةالرومى.. أيوة

    "فلماذا تهتم بشكل.. ولا تدرك عقلى؟"

    حسب Blogger Lasto-adri *Blue*, في 4/6/06 11:57 م  

  • كلهم صنف واحد يا أختى :)

    لأ بجد يا ديدو جامدة، يا ريت مين يسمع!
    و على رأى لست أدرى:
    "فلماذا تهتم بشكل.. ولا تدرك عقلى؟"

    حسب Blogger Eman M, في 5/6/06 2:15 م  

  • wow .. واضح ان البوست ده عمل شغل

    Thanks all for the comments

    Lili: على رأيك عايزين نشوف الي مافيهاش غلطة دي الي هيجوزها هتعمل فيه ايه

    memo: Thanks .. الله يسلمك

    arabesque: مش هنكر طبعاً ان لسه في بنات بيفكروا و يقروا الأسلوب ده .. و أنا بنتقدهم هما كمان برضه بشده
    المصيبة إن لما اوجه نفس النقد لولد عن شكله يرد بغرور .. ايه يعني أنا راجل
    can you imagine !!

    Lasto-adry:
    والله انت اللي قلت المفيد كله .. قصيدة كن صديقي دي فعلاً على الجرح

    Eman: كلهم صنف واحد فعلاً .. قطيعة

    حسب Blogger Dido's^^^, في 5/6/06 3:38 م  

  • sada2eeny msh kolohm 9anf wa7d laken el aghlabeya lel asaf betfakar fel shakl msh fel madmon.
    laken bardo law ana gebtelk 6ab2een el awel msh metzaba6 awy..
    shaklo 3ady gedan wel tany ree7to gamela wshaklo yeghry el 3een hatkly el tany 6ab3an. el ehtemam bl shakl ma6lob fl zaman da.
    ana msh ma3a eno yekon shoghlaha elshaghl make up welebs laken 3ala el aqal tehtam. 3shan tekon 7elwa men bara wegwa. we6b3an ma3a el ayam wel 3eshra 7alawt elroo7 heya ely hatban aktar ;)

    حسب Blogger nefertiti, في 6/6/06 2:52 ص  

  • لا اعلم لماذا دائما نهتم بشيء علي حساب الاخر ...
    الجمال ليس كل شيء هذا حقيقي و اتفق معكم فيه انما الاهتمام بالمظهر .. دون ان يكون اهتماما متكلف شيء مهم جدا مثل الاهتمام بالعقل
    الانثي ليست جسدا فقط ... و ليست ديكور .. لا اختلف معكم في هذا ...
    الاهم العقل الاهم لانه بعد 10 او 20 سنه من الزواج بعد ان يكون الشكل غير مهم و ينتهي تدريجيا دوره ان يكون هناك عقل و حوار اصله مش بيبقي غير الحوار الباقي كله بيروح
    مش معقوله في واحد بيدور علي واحده حلوه و زي القمر و لما يتكلم معاها ما تفهمش هو بيقول ايه !! ده هو ده قمه القبح انها تكون ليس لديها عقل !!
    لكن الشكل مهم ... مش للانثي بس لأ للذكر كمان ... الاتنين لازم يهتموا بمظهرهم مش معني انها وحشه تبقي مثقفه و ذكيه و انها حلوه تبقي غبيه !! اكيد لأ
    لكن اللي بيجمع ما بين الاتنين او بيحاول يهتم بشكله زي ما بيغذي عقله هو ده الصح ...
    انتوك

    حسب Blogger karakib, في 6/6/06 4:59 م  

  • بغض النظر عن الفيمنيستيه( التصريف الرابع من فيمنيست) فان سنتيمترات في الارداف مع جبهه غير متوازنه مع اضافة الانف الروماني كما تطلقي عليه بجانب الاضمحلال الطولي يؤدي الى كائن عجيب قد يضع عائقا في نقاش مدى جودة قدراته العقليه او قدرتها على الوقوف في وجه قدراته الشكليه البالغة الردائه.

    حسب Anonymous غير معرف, في 11/6/06 3:50 م  

  • Mr Anonymous ...

    مش فاهمة يعني انت عايز إيه دلوقتي !! ذ

    حسب Blogger Dido's^^^, في 12/6/06 4:59 م  

  • This is some good stuff!

    حسب Blogger MechanicalCrowds, في 13/6/06 2:54 ص  

  • Greets to the webmaster of this wonderful site! Keep up the good work. Thanks.
    »

    حسب Anonymous غير معرف, في 27/6/06 3:44 ص  

  • عاجبنى انا الكلام ده يا ديدو هيه الحكايه محاولة قبول الذات و كمان انك حتى لما تحاولى تتجملى يبقى عشان نفسك أولا و أخيرا مش عشان سعرك فى سوق العبيد يزيد ويبقى طظ يعنى فى اللى مش عاجبه شكلى

    حسب Blogger roza, في 30/6/06 8:57 م  

  • يبدو ان هناك علامة استفهام حتى على القدرات العقليه الزعوم تفوقها على القدرات الشكليه... صدقيني...اشعر بالتعاطف الشديد مع حاله كهذه.

    حسب Anonymous غير معرف, في 1/7/06 6:11 م  

  • *و اسفة لكل من ما زالت ترى في نفسها انها تتجمل لتعجب أحد الذكور القابعين هناك


    يابنتى بتقولى درر والله العظيم...
    من زمان بقول للعالم كدة والكل بيتهمنى انى مسترجلة وكلام أحمق من هذا القبيل*
    same thing here
    bas wala yhemeny .....w elly mesh 3agbo ywala3 f nafso w ynot m el shebak....

    حسب Blogger darine, في 3/7/06 12:25 ص  

  • على فكره
    الراجل الى بيحب يقارن ويبص على كل بنت مشيه في الشارع دي بتكون عاده فيه هو بيدور علي الجمال لكن لما يجي يرتبط بجد تلاقيه المقاييس بتاعته بتختلف ويرجع تاني لفكرة المضمون والعقل والبتاع ...
    أنا شايف أن أهتمام البنت بنفسها الي جانب أهتمامها بعقلها شيء مهم لاني في الاخر مش هاتجوز بنت دماغ وبس لازم كمان يكون في قدر من ألانوثه والا هاقع في المحظور وأبص بره و أرجع أقارن بين الي معايا والبنات الي بشوفهم في الشارع من ألاخر كده عاوز بنت تكون حاسه بأنوثتها وأقدر أغض بيها بصري وألا أيه يكون فايدة الجواز والارتباط أنا مش أقعد طول اليوم أخاطب عقلها أنا برضه بشر وعندي أحتياجاتي وغريزه موجوده ورغبه محدش يقدر ينكرها ... وبكل أسف معظم البنات بيهتموا بنفسهم بس قبل الجواز وبعدها يبدأو يهملوا في نفسهم وينسوا حاجه أسمها أنوثه حتى صوتهم بيتغير ويبقا شبه صوت الاستاذ/ توفيق الدقن وتبدأمرحلة التكور الجسدي والترهل وحتى التفكير والثقافه بيبقوا ذكريات وأنا بقول معظم البنات مش كلهم وكلامى ده عن تجربه عشان كده بانصح البنات أن الاهتمام بالأنوثه والعقل لازم يكملوا بعض ويستمروا حتى بعد الزواج وبقول للشباب أن كنتوا بدوروا على الجمال بس يبقا لازم تتجوزوا بنت جميله تملى عينكم عشان ماتندموش بعد كده وسيبكوا من الامثال العبيطه حبيبك لى يحبك وان كان عبد نوبي .. وخد الي تحبك و الكلام لفارغ ده لأن كل أنسان وليه أحتياجاته والجمال نسبيى والي بيدور على قدر من الجمال والثقافه فى البنت يبقا برافوا عليه لان ده التوازي الصحيح الى يؤدي لحياه معقوله ... أما الى بيدور على بنت مثقفه فقط ومش مهم الجمال يبقا يروح يتجوز كتاب ويستاهل الي يجراله

    حسب Anonymous شوشيت, في 7/7/06 4:31 م  

  • I think that there is always an equation that the man needs "selfishly" all its parameters to himself, while leaving nothing for the woman.

    The man needs service, care, love, and over all needs his wife to accomplish the beauty standards he see in the TV (not knowing, or forgetting that this standard is really very short-living), not remembering that the beauty will fade away and that what will remain are the other parameters. Love, care, respect, and I can go on forever.

    But I think that violence is invading our society due to the spread of injustice in all kinds of people, from the highest social class to the lowest, and I guess that the only cure to any injustice is a just revolution on it.

    Thanks for reading.

    حسب Blogger IRC President, في 8/7/06 7:38 م  

  • Your website has a useful information for beginners like me.
    »

    حسب Anonymous غير معرف, في 18/7/06 1:54 ص  

  • نحن في عصر الجمال المنحوت والذي يتم صنعة بمشارط الجراحين

    حسب Blogger MAKSOFA, في 20/7/06 11:33 ص  

  • I find some information here.

    حسب Anonymous غير معرف, في 20/7/06 5:35 م  

  • اتفق تماما مع ما قلتيه حبيبتى
    انا كدا وربنا خلقنى كدا وبحب نفسى كدا وبحب ربنا

    حسب Blogger لمياء, في 26/7/06 8:37 م  

  • i die to know why all this hatred is directed to beautiful women. they seem to be cursed everywhere to the extent that they may lead atragic life because of their beauty. once one's eyes fell on apretty woman,one's thoughts instantly scream:she must be the devil incarnate.this is completely unfair don't u think?

    حسب Anonymous غير معرف, في 11/9/06 6:58 م  

  • كلام جميل ..وحقيقى ..كثيرون مازالوا يعيشون فى أفكار إنتهت ..أن المرأة جمال ....المرأة كالرجل ...مع الإعتراف بالإختلافات ..لكن القاعدة الإلهية المعروفة .." ولهمن الذى عليهن بالمعروف ..وللرجال عليهن درجة " ..تلك الدرجة هى درجة الرعاية والإحتواء ...لا درجة ..سى السيد القاهر المتزمت ....فوقوا يا رجالة ..بلاش إستعباط

    حسب Blogger رجل من غمار الموالى, في 9/11/06 7:24 م  

  • لاحطتهجوم على الجرّاحين ومشارطهم يا جماعة كده دي بقت لقمة منظورة
    لعلمكم الجراحين اللي مش جزّارين هما أكترناس بيقدروا منظومة جمال المدارات
    المدارات الخليطة من الروح والادراك والاحساس كل ده بيبان من ورا العينين في لحظة ما المخدربياخد الواحد بعييد للمكان اللي ممكن ما نرجعش منو ويخلي الجراحين الصغيرين يبقوا عاوزين يحضنوا الروح دي واللي بترجع تاني حد بتّقلوا الذنوب والخطايا والصدى
    يرجع انسان تخاف تحضن روحو

    حسب Blogger ابن مرّ, في 15/11/06 9:45 م  

  • والله الفكره مش بس عند الشباب
    لأ عند البنات بردو يعني هم بيدورو علي الولد الوسيم الشيك .......الخ الخ الخ

    حسب Anonymous غير معرف, في 22/2/07 10:48 ص  

  • hi people,this is a simple test
    sorry sex video
    ggg

    حسب Anonymous غير معرف, في 20/3/07 6:17 م  

  • حسب Anonymous غير معرف, في 24/4/07 2:45 ص  

  • حسب Blogger عرب قيرلز, في 7/1/13 9:50 ص  

  • ممتازجدا تسلم الايادى




    علاج الحول للأطفال والكبار عمليات المياه البيضاء للأطفال مع زرع العدسات زوجية الرؤية للكبار
    د. هشام سلامة
    زميل كلية الجراحين الملكية البريطانية (إدنبرة)، زميل جامعة جونز هوبكنز بالولايات المتحدة الامريكية . إستشارى عيون جراحات الآطفال وحول الكبار،عضو الجمعية الآمريكية والآوربية للحول.متخصصون فى علاج حول الآطفال من سن يوم والكشف عليهم بدون مخدر وذلك عن طريق أحدث الآجهزة
    التليفون: 0222599300, 01273211160, 01223320061

    https://www.facebook.com/pages/Little-Eyes/254903517919297?ref=hl

    حسب Anonymous ayman aabd el halieem, في 6/12/13 5:24 م  

إرسال تعليق

الاشتراك في تعليقات الرسالة [Atom]



<< الصفحة الرئيسية