كلام بنات

الأربعاء، أغسطس 17، 2005

كلام بنات.. وبنات كلام..


طول عمرنا يابنات وإحنا معروفين بالكلام الفاضى عمال على بطال. "سوسو فرقع جىجى.." و "علانة إجوزت علان.." و "الموضة اليومين دول..".. إلخ.
وإن جينا للتطور الطبيعى للكلام راح نمشى لحد ما نوصل لحلل المحشى وطاجن البامية.. والعيال والمذاكرة.. والجوز الطفشان م البيت.

البنت عندنا فى مصر تتربى من صغرها على قاعدة واحدة مسلم بيها أبدياً: "ظل راجل ولا ظل حيطة.."
أول ما تتولد وأمها تقعد تحكيلها عن ليلة فرحها والفستان اللى ح تلبسهولها بإديها.. وتفضل تحلم بالشاطر حسن والطرحة البيضة. ويسلموها عهدة الأشغال الشقة المنزلية، طبخ وكنس.. تنفيض وتلميع.. مسح وكوى... يوووه.. كل دة عشان تستعد لعدلها إللى فى إنتظاره..
وللأسف يجى المنتظر وهى زى ما هى. لا مخها إتنضف.. ولا هى إتطورت. مخها كهف مهجور هرب منه النور.
وبعدين ح يجى العيال وتبدأ دوامة مدارس العيال.. ولبس العيال.. وخناقات العيال.. ويظهر لها فى الأفق بقى أكبر عيل ممكن تقابله فى حياتها كلها. ويحصل حاجة من إتنين: يا الجوز يعقل.. يا هى تتجنن ويخلصوا م الآخر..

سنة ورا سنة والعيال تتخرج من الجامعة وتبدأ الهموم م الأول.. الكبير خلص جيش ولا لقاش شغل.. والصغير متنيل بيحب و عايزين ندورله على شقة.. والبت بقى نكسرلها ضلع لتفلت مننا لحد ما يجلها عدلها ونسترها.
وتبدأ البنت نفس رحلة أمها.. من آهات المرايات والشبابيك.. لوجع قلب كل ساعة وكل دقيقة فى اليوم...: "بتكلمى مين؟".. "خارجة ليه وراجعة إمتى؟".. "إنت عايزة تفضحينا..".. "إمشى إنجرى على أوضتك.."
لكن المشكلة –لاء الكارسة الكبرى- : مفيش جواز.. البنت ح تعنس عندنا

ويبقى بدل النار نارين.. نظرة الأهل لبنتهم غير نظرة المجتمع. نظرات كلها ضحكات فارغة، كإنها بتنهش فى كلها. تخليها عايزة تخرج من دايرة أجبرت تدخلها. وكل ذنبها الوحيد إنها بنت.
(يتبع...)


لللقاء فراق.. وللفراق لقاء قريب..
سلاماتى
-------
لستُ أدرى

24 تعليقات:

  • للمرة ال 11865 اسمعى (بنات) ل منير فى شريط احمر شفايف...

    شرح كلامك بالظبط...
    و مبروك عالحبشتكانات الجديدة و عوده الهارد من غياهب التوهان اللى انا فيها..

    حسب Anonymous sheryos, في 17/8/05 4:10 ص  

  • أنا مقتنعة تماماً إن مشاكل البنات، والولاد، جذورها في أسلوب التربية

    منورة يا بلو :)

    حسب Blogger حـدوتـة, في 17/8/05 6:53 ص  

  • و النبي أيه علاقة اغنية بنات بالكلام اللى فوق دا
    هو اى هجس يطلعه الكابتن منير من منخيره و مؤخرته لازم يكون عبقري
    انا آسف على استخدام الألفاظ دى في مدونة زى السكر زى دى ، بس بصراحة مش معقوله ابقي بقرأ و مستمتع و ألاقي واحد يقول لك

    اغنية بنات للكنج شرحت كل حاجة
    أنا كل مرة باجى هنا بقرأ و مش بحب أعلق علشان بحس ان اى تعيق هيكون سخيف ، لكن مقدرتش امسك نفسي
    على اغنية بنات للكنج محمد منير فهمى

    حسب Blogger أحمد, في 17/8/05 8:53 ص  

  • ya blue...abl mansa...3awza bas a2ollek en el mudawana di mesh beta3ti...el fekra wel tanfeez kano le Yousra :))

    حسب Blogger حـدوتـة, في 17/8/05 10:23 ص  

  • حلو الموضوع بس للأسف ماشي بنظام بتتمسكن لحد ما تتمكن

    ملحوظة:بيبو فرقع جيجي
    مش سوسو هو اللي فرقعها
    :0p

    حسب Blogger sydalany-وش مكرمش, في 17/8/05 1:27 م  

  • Sheryos:
    خلاص كبر عمنا منير هنا

    Hadouta:
    بنورك.. الله يخليكى والله..
    والست يسرا كمان على راسى من فوق.. بشكرها بجد على مساحة الحوار البنانيتى دية..
    أيوة كدة.. "يا نساء المونات إتحدن.."
    هو فعلاً الموضوع م التربية لكنى مش عايزة أتكلم على أسلوب التربية فى الأساس.. عموماً ح أحاول أوضح وجة نظرى أكتر فى المواضيع القادمة إن شاء الله.. لعل وعسى

    Ebles:
    خلاص بقى.. هدى أعصابك

    Sydalany:
    هى اللى بتتمسكن برضو؟
    وآسفة على السهو المطبعى.. العتب ع الجهل

    حسب Blogger Lasto-adri *Blue*, في 18/8/05 1:16 ص  

  • ليه كده طب انا قريت و عجبتنى و معلقتش على اساس انه كلام بنات ايه لزمه بقى ان بيبو فرقع جيجى........ يا جماعه كلها اشاعات دى جيجى ديه مفتريه

    حسب Blogger Mr-Biboooo, في 18/8/05 1:56 ص  

  • لست ادري

    بالتاكيد ما شرحتيه هو جزء من الحقيقة
    هل يمكن واحد مثلي يطلب منكي طلب متواضع :)؟

    هل يمكن ان تضعي رؤيتك مع سائر البنات
    ما هي الصورة الافضل لتربية البنات؟

    نحن نعرف ان الصورة الاولي فيها اهتراء

    لماذا لا تضعوا معا صورة اخر ي جديدة؟

    اكرمكم الله

    حسب Blogger ibn_abdel_aziz, في 19/8/05 8:41 ص  

  • mr. bibo:
    7adr.. 3enaya

    إبن عبد العزيز:
    ما دا بالظبط اللى كنت نفسى أناقشه فى الموضوعات القادمة.. بس مش تربية البنات بس على فكرة..لكن تربية المجتمع ككل
    من نظرة متواضعة لوحدة لست تدرى أى حاجة بعد
    وشكراً ع الزيارة

    حسب Blogger Lasto-adri *Blue*, في 19/8/05 1:26 م  

  • لست أدري
    الحمد لله انه اخيرا تحرك هذا البلوج ونزلت فيه بوستات جديدة

    مبروك مكانك الجديد
    ويارب يكبر على ايديكوا

    حسب Blogger Tara, في 20/8/05 10:52 ص  

  • حلوة أوي طريقة السرد يا (لستو) و حلو برده مدي الصدق و المرارة اللي في الكتابة

    حسب Blogger mindonna, في 29/8/05 8:42 م  

  • لستو
    الكلام ده كان زمااان ، البنات دلوقتى واخده حقها تالت ومتلت كلام من نوعيه ضل راجل ولا ضل حيطه ده خلاااص إنتهى
    يعنى لما تيجى تتعرف بواحده وأول حوار بينك وبينها والواحد مكسوف وحالته حاله وتقولك خلص هات من الاخر .. تفتكرى دى بتفكر بعقليه ضل راجل ولا ضل حيطه

    حسب Blogger Ahmed Shokeir, في 4/9/05 5:23 م  

  • El moseba el tama el kobra, en el banat fe masr 99.9% menhom ma3domen el temo7, 7ata law mesh 7ata fe rasha el 3ares wel kalam dah, bardo mafish temo7 etlakan, ya3ni ana masalan fe magaly, computer science, 2abelt banat la 2wel wala a7'ir we 3omry mashoft wa7da kewayesa abadan fel magal dah :D (Ma3 e3tezary lel banat kolohom), fa eih el sabab?!

    Ma3 el 3elm enina ka regala (me at least), aktar 7aga benekrah'ha lama wa7da tekon ma3domet el temo7 wel 3elm we keda :D

    حسب Blogger Mohamed Meshref, في 19/11/05 5:28 ص  

  • تسمحوا ياجماعه نقتبس من كلامكم فى اول برنامج عن النت فى العالم العربى وهو من برامج اتحاد الأذاعه والتيلفزيون المصرى
    وعنوانه على النت على جريدة الأهرام
    www.ahram0505.net/users/alcomputer
    also
    http://cairocomputer.tripod.com

    حسب Anonymous S.H., في 23/12/05 7:29 م  

  • enty 3arfa ana walahe lesa kont ba2ol le afriend nfs klamek 3shan sa7bty ahlaha mesh mwaf2en 3la sa7ebha ka 3rees we lesa 3mala ashtem we a2ol le elbanat betetraba kda wel an2a7 leh elwelad bytrabo bel3aks enk tb2a mesh metraby yb2a kda 100 100 ma teb3y lazem yb2a feh fagwa welbanat t3anes welwelad ybozo aktr ma homa bayzen

    حسب Blogger S e M o N o S, في 5/1/06 5:59 م  

  • Excellent, love it! »

    حسب Anonymous غير معرف, في 16/3/07 8:09 م  

  • الموضوع جامد جدا و طريقه الكتابه حلوه ياريت المزيد

    حسب Blogger cindrela, في 20/4/07 9:02 م  

  • الموضوع حلو قوى وياريت المزيد

    حسب Blogger cindrela, في 20/4/07 9:02 م  

  • شكرا على الموضوع

    حسب Blogger nana, في 13/5/07 12:05 ص  

  • احب اقول ان عشان منتكلمش فى كلام فاضى لازم يكون فى شىء معين نتكلم فيه او حوار مثلا وكمان منحاولش نجيب فى سيرة الناس عشان دى نميمة وربنا بيحاسب عليها وننقلل فى كلامنا ولا نكثر فيه

    حسب Anonymous غير معرف, في 26/1/08 8:44 م  

  • اة وفى حاجة كمان يا ريت احمد يتكلم بطريقة احسن من كدا لان دا كلام ميتقلش قدام بنات وكمان عيب

    حسب Anonymous غير معرف, في 26/1/08 8:47 م  

  • اولاكلام البنات مش كلام فاضى فى بنات معظم كلامها على اللبس والميكب والشعر وفى بنات متفرقش كلامها عن الرجاله فى حاجه انا ليا واحده اقريبتى لما بتيجى تزورنا مش بتعد معايا بتعد مع اخوزاتى الصبيان احمد انصحك متكلمش بالاسلوب السخيف ده

    حسب Blogger CRIATOL, في 27/5/08 11:10 م  

  • السعيد بيقوت


    اة الهجصدة


    انتا مش فاضيين الا لكدة


    انتة مبتصلوش ولا اة


    سلاااااااااااااااام

    حسب Anonymous غير معرف, في 3/2/09 1:21 م  

  • thanks ...

    حسب Anonymous عرب كول, في 10/6/13 11:02 ص  

إرسال تعليق

الاشتراك في تعليقات الرسالة [Atom]



<< الصفحة الرئيسية