كلام بنات

الجمعة، يوليو 07، 2006

زوجة أحبها أم أرتاح معها؟

زوج: انا مراتى مش أكتر واحدة حبيتها، بس هى أكتر واحدة بارتاح معاها

كلمات واقعية ستجدها عند العديد من الرجال ( لن أعمم و لكنها نسبة ليست بقليلة)، فنادراً ما يتزوج الرجل من المرأة التى أحبها و تمنى الزواج منها، و لكن مع دوران الأيام يتزوج من امرأة يرى إنها ستشاركه حياته و يحبها أيضاً .. و لكن مع الفارق!
يملأ حياتها بكلام الحب و العشق، و لكنه يعرف فى قرارة نفسه أنها ليست "حب عمره"، و لكنه "مرتاح معاها".

ما معنى "مرتاح معاها"؟ هل لأنها مسؤلة عن أكله و ملبسه و خدماته و موائمة مع طباع شخصيته؟
هل تتخيلون معى موقف الزوجة؟ تعتقد أنها حياته (حتى لو أنها تعلم بعلاقاته السابقة) .. بينما الحقيقة شئ آخر
هل تفكر كل زوجة فى هذا الإحتمال؟ مسكينة .. أو لا أعرف بما أوصفها.


(حتى لا أُتهم بالتحيز العنصرى تجاه المرأة .. قد تتبادل الأدوار فى ما سبق ذكره )

55 تعليقات:

  • ايه كل الأسئلة الوجودية العلاقاتية اللي بتطاردني دي..

    لسة قاري موضوع جميل مليئ بساءلاتلجيرالدين:
    http://geraldine.madarat.info/archives/62

    وبعديه على طول موضوعك

    حسب Anonymous غير معرف, في 7/7/06 5:03 ص  

  • بيتهيألى ان الرجل دائما ضعيف مع من يحبها
    عشان كده مش مهم قوى انه يكون بيحب اللى اتجوزها اكتر واحده لانه لوكده هاينفذلها كل طلا بتها وهو طبعا مش عايز كده
    يعمل ايه بقى
    يروح يتجوز واحده (بنت حلال وتعيش)اكيد فاهمين
    يعنى يحس معاها انه راجل وماتقدرش تقول معاهه بم
    واعتقد دى وجهه نظر اغلب الرجاله

    حسب Blogger ام المريله الكحلى, في 7/7/06 11:01 م  

  • mainfa3sh a7ibaha w arta7 ma3ha both?!!

    حسب Blogger mitar2a3, في 8/7/06 6:37 ص  

  • أزال أحد مشرفي المدونة هذا التعليق.

    حسب Blogger الشاعر : عباس محمد عباس, في 8/7/06 9:20 ص  

  • أعتقد أن الزوجين مضطرين وفق جميع المعايير لبلع هذه الحقيقة المرة المليئة بالأشواك ، وإلا فتخيلي ماسيكون لو أن الموضوع فتح وتمت مناقشته ، إنه أمر مؤلم بلا شك وأظن أنه أمر يجتهد الزوجان في دفنه بوعي وبلاوعي أم ماذا ....، أخبروني .
    الأمر الآخر أن الكاتبة وضعت الأصبع على نقطة حساسة ووقفت الفيلم في لقطة مذهلة. ولكن تحليلها ليس بالسهولة بمكان لأنه... لأنه أمر قضي وكان
    شخصيا أنا أشعر أنني يوما ما ستتحقق في نفس هذه المشكلة وسأعيشها يوما ما ، ولهذا أريد فعلاً أن تحلوها كما أثرتموها
    لي مقالة في مدونتي ( الشاعر )
    http://areyouknowme.blogspot.com/
    التي أضع فيها قصائدي وخواطري الشخصية بعنوان أنا وهي تتكلم عن النصف الأول من القصة ومع أنه قد يكون فضاؤها بعيدا بعض الشئ عن صلب الموضوع ولكني أعتقد أنه يؤرخ للحظة من لحظات العلاقة بين محبين لن يكونا لبعضهما ولكن شعور الرجل لا أظن أنه بعيد عن شعور المرأة إنها الظروف التي لا ترحم والرجل ضحية مثل المرأة أما تعليق الآنسة ( أم المريلة الكحلي ) فلا لا وألف لا

    حسب Blogger الشاعر : عباس محمد عباس, في 8/7/06 9:22 ص  

  • اعتقد ان الرجل الذى يتزوج بمن احب
    لن يعيش سعيداً دائماً
    كما يقول عمنا احمد رجب
    قد يكتشف فيها
    صوت الشخير العالى
    وخلافه
    اما ان يحب
    ثم يفترق
    فسوف يحتفظ
    بالصورة الجميلة التى حملها لها أيام الطزاجة

    حسب Blogger أبو أمل, في 8/7/06 12:30 م  

  • رجل تزوج امرأة "مرتاح لها" بدلا من تلك التي "أحبها" أو "يحبها" (مع الفارق)، هو - بكل تأكيد - رجل أو إنسان تعيس!! ونفس الكلام ينطبق على امرأة تزوجت رجلا "ترتاح له" بدلا من اللي أحبته أو "تحبه" ...

    اختلف في الرأي مع ام المريلة الكحلي في أن معظم الرجال يريدون "بنت الحلال" اللي تعيش ومتقدرش تقول بم!! الفكرة في تلك الفجوة الهائلة - والمدمرة أحيانا - بين ما نريده وما نستطيعه!!! القول بأن الرجل (أو المرأة) "تختار" بمحض إرادته/ا الزواج من شريك/ة لمجرد "الارتياح" فرض ظالم ومختزل لواقع الأمور كما نعيشها ...

    حسب Blogger Aladdin, في 8/7/06 11:14 م  

  • www.negma.blogspot.com
    مدونة جديدة ترحب بالزوار

    حسب Blogger posycat, في 9/7/06 10:54 م  

  • دي حقيقة فعلا الحب مش المقياس ابدا في موضوع الجواز وخصوصا في نجاح العلاقة وهمه برضه عندهم حق يا بنتي اصل الجواز ده حياة يعني عشرة والحب لوحده مش كفاية ولازم التضحية والراحة يزيدوا عن الحي كثير ده مش كلام دي تجربة فعلا الرجل عنده استعداد يضحي بالحب في سبيل الراحة مهما كانت الظروف

    حسب Blogger بنت امي الغالية, في 11/7/06 7:50 م  

  • سوف أقدم نظرة إيجابية وموضوعية للأمر.
    أعتقد أن سبب هذا التعبير الذي لم أسمعه شخصياً من أحد قبلاً ولكني أثق في وجوده هو دخول الشاب في علاقة حب للأسف ما يتزامن مع حالة من عدم القدرة على الأرتباط أما لأسباب مادية أو أجتماعية أو لعدم النضوج الكافي لأتخاذ قرار أرتباط نهائي وحياتي. لذا تنتهي قصة الحب نهاية غير سعيدة ببعد الحبيبين. وعندما تتعدل الظروف آي أن كانت فأن قطار الحب يكون قد مضى ويتزوج الشاب من فتاة تربطه بها علاقة سطحية نسبياً ولكنه يشعر بالأرتياح معها لأن أسباب عدم الأرتياح السابق قد تلاشت من حياته.
    هناك أيضاً يعض الحالات التي يرتبط فيها الشاب عاطفياً بفتاة لا تناسبه بآي شكل من الأشكال ولكنه يشعر بمشاعر أنجذاب قوية أتجاهها ولكن نظراً لعدم مناسبة تلك الفتاة له فهو دائماً يشعر بعدم أرتياح معها.
    ولكن لا أنكر أيضاً أن هناك بعض الحالات التي لا يشعر فيها الشخص بعدم الأرتياح بسبب عدم قدرته على التعامل مع مشاعره بالحب وما يتطلبه ذلك منه.
    هناك أخرين يرفضون الأرتباط بمن يحبون بسبب نظرتهم المسبقة للبنات الذين يدخلون في علاقة حب قبل الأرتباط.

    حسب Blogger The Eyewitness, في 18/7/06 2:02 ص  

  • الرجل دائما لة منطقة ومبرراتة، وهو يستطيع أن يحب من يجد مصلحتة معها والمصلحة هنا ليست بمفهوما المادي فقط ولكن بمعني من تلبي لة جميع أحتياجاتة كرجل ،
    كذلك هو قادر أيضا علي نسيان أي تجربة حب في حياتة وكأنها لم تكن ، علي العكس من المراة التي خلقها اللة سبحانة وتعالي رقيقة المشاعر تقع سريعا في الحب الا أنها تمكث طويلا في نسيان من تحب

    حسب Blogger MAKSOFA, في 20/7/06 11:30 ص  

  • معلش هخرج من سياق الموضوع الاساسي واعلق على العنوان ...زوجة احبها ام زوجة ارتاح معها؟؟ بمنتهى الصراحة لا دي ولا دي لانه في كل الاحوال سينتهي الامر بالطلاق او الخلع ...محدش طايق نفسه اساسا ...هنطيق بعض ليه؟؟

    حسب Anonymous د.محمد حلمي, في 24/7/06 2:04 م  

  • على فكره كلامكوا ظالم اوى يا جماعه
    بقى معقول فى واحد بيحب واحد يقدر يتخلى عنها او يتخيل حياته من غيرها اذا كان هو عارف انها الوحيده اللى تقدر تمنحه السعاده كفايه انها فى الاخره هتكوووون زوجته الى الابـــــــــد عمر مافى واحد عاقل يتجوز كدا وخلاص

    حسب Blogger لمياء, في 26/7/06 8:35 م  

  • فى فيلم عن العشق و الهوى
    بتلاقيك زى البطل محتار
    بين حب كان موجود و راح
    و زوجه موجوده من غير حب
    و انسانه اتكعبلت فيها و حبيتها
    وعليك انك تختار


    حاجه صعبه اوى انك تكون مجرد حاجه وجودها ضرورى فى حيات غيرك
    عشان واجباتك
    و عشان بيستريح و يطمن لمجرد كونك موجود
    بس مش قادر يحبك
    او فى وقت بطل يحبك
    سواء ظهر او مظهرش حد تانى
    و يبتدى السكوت

    حسب Blogger bibo, في 31/7/06 10:18 م  

  • عايزة اقول ان الزواج الاول فى حياة اى رجل لابد ان يكون عن طريق الضغوط من اى شىء حتى لو كانت الشهوة
    انما الزواج الثانى يكون باختيارة وبكامل حريتة رغم انة دائما مضطهد من الناس

    حسب Blogger واحدة فاض بيها, في 7/9/06 9:06 م  

  • أنا بحب مراتي جداً وكمان مرتاح معاها. صحيح ما كانتشي هي الحب الأول في حياتي، بس هي اللي عرفت معاها معنى الحب الحقيقي. يمكن كنت باحب الأولى بقوة، بس مش المفروض انني اضيع عمري جنب واحدة مش بتحبني. مش دايماً الراجل هو اللي قاسي يا صاحبات السعادة. ومش دايماً البنت هي الملاك الرقيق ابو مشاعر Fragile. بس الحياة لازم تمشي، حتى لو الحب الأول كان أقوى.

    حسب Anonymous Hani El Refaai, في 10/9/06 1:43 م  

  • فعلا مفروض الانسان يتزوج الانسانه اللى مرتاح معاها وبرده النت مفروض تتزوج الرجل اللى مرتاحه معاه معتش الحب مقياس او اساسا الحب مش مقياس بس فى نقطه نسيتوا تناقشوها ان فى راجل بيحب واحده على اساس انه يتجوزها بس للايف برده علاقه فاشله مافيش احسن من راحة البال زى ما قالت انه وجدو الجواز والعشره بيولدوا الحب والله اعلم كل اللى حبوا عايشين بين الدموع والصمت والحياه مش كده الحياه صعبه لو الدموع جفت واللسان اتكلم يبقى فين الحب فالحياه الصعبه هى اللى هتجفف الدموع وتنطق اللسان يبقى هتموت الحب يبقى اللى برتاح معاها احسن والا اللى بحبها وبرده الله اعلم

    حسب Blogger sendrlla, في 28/10/06 1:41 ص  

  • المشكلة انه لا وجود لما يسمى الحب الأول أو الأخير
    الحب هو مزيج غريب من المشاعر يشمل المودة والرحمة والراحة والأرتياح
    والأكتفاء الذاتى للمشاعر والأحاسيس
    وهذا هو معنى بأرتاح معاها وبس
    اما أعتقاد الزوج أنه يحب واحدة لكن يرتاح مع زوجته أكثر
    فهى أضغاث أحلام من بقايا الزمن اقديم

    حسب Anonymous أحمد, في 4/11/06 7:50 م  

  • لربما أنا بعد لم أذق الوحدة
    لربما أنا بعد أحمق
    لكني لا أجد مبررا للزواج الا السكينة والحب

    حسب Blogger ابن مرّ, في 15/11/06 9:36 م  

  • حقيقى
    تحبى وتتلهفى وتتجننى عليه
    وف الآخر يخطب غيرك ويتجوزها
    واللى يفرسك انها ملهاش وجود ف حياته اصلا من ذى قبل
    ليه علشان الزوجة ليها مواصفات خاصة جدا
    أهمها أنها متطالبوش بحب أو اخلاص
    زوجة يتصرف عليها والسلام
    ويا سلام لو كانت الزوجة اللى اختارها دى هتكون ف وادى غير اللى هو فيه خالص
    علشان يريح الدماغ
    واللى حبيته تولع..تتحرق
    اهى خدت لحظاتها الحلوة معاه وخلاص
    ويقولك الجملة الشهيرة اللى لازم تتقال ف اى موقف ندالة
    كله نصيب

    حسب Anonymous doddosh, في 13/12/06 9:47 ص  

  • best regards, nice info
    »

    حسب Anonymous غير معرف, في 27/12/06 4:16 م  

  • ليه دايما الرجاله بتفكر كده
    اكيد فى سبب .... مش عارفه بس دايما الرجاله مش بيحبو زوجاتهم و بيرتاحو معاهم زى ما بيقولو
    ممكن عشان هي الوحيده اللى مستحملاه بكل ما فيه

    حسب Blogger Dalia, في 3/1/07 10:46 م  

  • nice site :)

    حسب Blogger Leafless Eve, في 16/1/07 7:06 ص  

  • وليه حصرت الاحساس ع الرجالة فقط؟؟
    ممكن البنت كمان كانت بتحب واحد أكتر بكتير من جوزها الل ياتجوزته.. بس ما اتجوزتش اللي حبته و اتجوزت اللي ارتاحتله و اللي القدر كتبهولها
    لاهو غلطان ف حقها ولا هي غلطانه فحقه
    وأكيد كلام الحب اللي بيقولهولها مش نفاق و لاكدب رغم ان الكلام مش بالدفى و الاحساس اللي ظاهر عليه.. بس هو بيقوله عشان عاوز يسعدها .. ولو سأل نفسه ليه عاوز يسعدها هايلاقي نفسه انه بيحبها.. آه مش زي حبه لحبيبته اللي ما اتجوزهاش بس بيحبها.. واتعود عليها
    مش ذنبه انه لما حب ماكانتش هي مراتهاللي حبها.. دي ده الدنيا
    ومش ذنبه ان أول حب حقيقي دايما بيكون أقوى حب
    ومش عيب فحقي كزوجة ان يكون جوزي مابيحبنيش بقوة حبه لحبيبته اللي حبها زمان.. مش عيب فحقى انه بيقوللي كلام مش مالي قلبه.. طالما بيحترمني و متمسك بيّ و اختارني بعقله وواثق اني أستاهل حبه اللي لسة ماجاش يبقى أنا مع الراجل اللي يستاهلني و اللي يستاهل منّي انّي أعمل كل اللي يقدرني اني أوصّل حبه ليّ من مجرد راحة لمستوى حبه القديم أو حتّى أقرب منه

    حسب Blogger عنقود العنب, في 21/1/07 10:57 ص  

  • صباح الفل
    أعتذر مبدئيا عن قرائتى لمدونات تحتوى على خوصوصياتكم
    لكن شيئاما لا اعلمه دفعنى لفعل ذلك مؤخرا
    المهم.....ندخل فى الموضوع
    الموضوع بتاع البوست دة كان شاغلنى لفترة ما وحاولت انى اكتبه فى بوست لكن كل ما اكتب فيه حاجة يكون اعظم ما تحلم بيه ان تلقى فى صندوق القمامة
    ده اللنك بتاع البوست اللى تناولت فيه الموضوع بشكل فرعى http://sofosta2y.blogspot.com/2007/01/blog-post.html
    امتمنى لو ان البوست دة كمل الموضوع

    حسب Blogger 3amr, في 15/2/07 1:17 م  

  • حسب Anonymous غير معرف, في 16/2/07 12:38 م  

  • حسب Anonymous غير معرف, في 21/2/07 11:53 م  

  • Where did you find it? Interesting read film editing schools

    حسب Anonymous غير معرف, في 17/3/07 7:53 ص  

  • hi people,this is a simple test
    sorry sex video
    ggg

    حسب Anonymous غير معرف, في 20/3/07 6:17 م  

  • الكلام بيوجع قوي قوي خصوصا لو حطيت نفسك مكان الزوجة دي

    حسب Anonymous غير معرف, في 16/4/07 9:53 م  

  • both of them!(">)

    حسب Blogger amazing_angel, في 18/4/07 3:24 ص  

  • انا مرة سمعتها من شب قلي
    الزواج أسهل من الحب
    أنا فضلت صافنة 5 دقايق وبعدين قلت جوان نفسي بجد الزواج أسهل من الحب
    أنتو متخيلين كمية الغيرة والشك والتغب الى ممكن يصيب الزوجة لمن تكون بتحب زوجها؟
    أو الرجل الى بيكون متزوج مراتو عن حب فكركم بيفضل ثقة ولا ايه؟
    أو انو الحب كافي بفتح بيت؟
    أنا برأى انو كل شي مع الوقت بتغير حتى الحب
    أنا تعبت بجد

    حسب Anonymous غير معرف, في 28/5/07 9:31 م  

  • اسمعى يا اختى..
    والله الفكرة فعلا حقيقية عشان الراجل لما بيحب واحده غالبا بيشك انا كانت حبت واحد قبل كده او ممكن تحب واحد تانى بعد ما ترتبط بيه,فأى راجل عادة مبيتجوزش واحده كان بيحبها او مشى معاها او كان مصاحبها و ده اللى بيخليه وقت الجواز يدور على واحده كل اللى بتعرف تعمله ف دنيتها انها تريحه و تعمل شغل البيت و تربى الاولاد عشان هوه محتاج اهتمام و محتاج حد يشيل البيت و يشيل همه هوه شخصيا بدل ما يقعد يحب فيها طول النهار..
    ثانكس يا بنوتة :)

    حسب Blogger Queen eraser, في 13/6/07 10:45 ص  

  • سؤال صعب ومحير

    لكن قد يكون لأننا نتنازل عن الكثير لمن نحبهم

    ونتغاضى عن الكثير بهم ولا يوافقنا
    لأننا فقط نحبهم هكذا

    قد يكون هذا السبب عدم الرغبة في التنازل

    رغم رؤيتي صعوبة أن نتزوج دون حب

    رغم أن الحياة تثبت لي العكس

    تحياتي لكِ

    حسب Blogger نهى جمـال, في 10/7/07 5:30 م  

  • البنات بيبقوا كائنات عجيبه اوى لما بيحولوا يفكروا بطريقه منطقيه منطقيه

    مفيش بنت فيهم عندها معنى واضح للحب
    كله كلام ادبى بيربك أكتر مبيرسى على بر

    انا مقتنع ان الحب الحقيقى مش كميا افتكر احنا لو مؤمنيين بشركنا ممكن نصنعوا

    احنا بنى ادمين من فردة جزمه بتدور على الفرده التانيه

    احنا بنتجوز عشان نحب مش بنحب عشان نتجوز

    أكيد لازم يبقى فى اعجاب وقبول قبل الارتباط

    بس حب!!! طب ازاى؟؟؟؟ على اى اساس؟؟؟؟

    هبنى حياتى على مجرد احساس غامض؟ يمكن الظروف لو الظروف الى حوليه اتغيرت يتغير هو كمان,اذا كان انا نفسى بتغير بين يوم وليله

    وعلى فرض انى ليه نص اخر وانى مش هتغير

    ازاى هتكيف مع الحياه الى بتتغير كل يوم ازاى ممكن اربى ولادى وانا عاجزه انى اصنع حب وبيستعبدنى احساس غامض اسمه الحب

    ولا االحب بالنسبه للبنات مجرد وسط للهروب ؟

    حسب Anonymous أنا ولد, في 2/9/07 5:32 م  

  • على فكرة فيه نوع من الحب اللى بنسميه حب العشرة اتنين بيتعودوا على بعض وبيريحوا بعض لكن مش بالضرورة يكونوا بيحبوا بعض الحب الرومانسى او الافلاطونى او حب الجنون اللى متبقيش عارفة انتى بتحبى ده بالذات ليه ومتهيالى الحب اصبح موجة بتتكسر على شاطىء الواقع اللى احنا عايشينه انه مفيش حب وان وجد يمكن يكون عند طرف ومش عند الاخر

    حسب Blogger جسر الى الحياة, في 18/2/08 8:51 م  

  • حاسه ان الموضوع مش كده خالص ,,وهو البنات بيدوروا علي عقد عشان تزود عقدهم؟؟؟؟؟ ,,,انا فكرت فترة في حياتي بالطريقه دي جالي هلع فظيع ,,ازاي انا اللي قالبي ما تفتحش لحد و مستنيه اني اتجوز عشان احب الانسان ده و يكون هو غرقان في احلامه عن حد تاني,,و بعدين فكرت شويه لاقيت ان الامور مش بتتقاس كده ,,لاننا لو نظرنا لاتنين متجوزين عن حب , هتلاقي ان الرجل ده نفسه بيحلم بالبنت اللي كانت معه من زمن ايام الرومنسيه ,,,يعني الرجل ممكن يكون بيخونك في خياله معكي انت شخصيا وقت ما كانت صورتك الطف من بعد الجواز بكتير
    الامور مش بتتقاس بالمنطلق ده الامور بتتقاس بمدي نجاح العلاقه و احترام الاتنين لبعض

    حسب Blogger صوت فيروز, في 9/3/08 3:46 م  

  • " قد أظل أحبك طول العمر .. ولكنى سأتزوج من تصلح زوجة وأما لأولادى"
    عبارة قالها الكثير من الرجال .. ونفذوها سواء برغبتهم أو رغما عنهم ..
    الواقع يقول ذلك .. والمنطق أيضا
    الحب ليس كل شئ .. هو جميل للغاية ..ويغمس نفسه فى كل شئ فى الحياة .. فيكسوه حلة من البريق والمتعة.. ولكن يبقى الحب عامل مساعد .. كالملح فى الطعام .. مهم للغاية .. ولكن لابد من وجود الطعام .. أليس كذلك؟
    لا يمكن أن نتزوج لأننا نحب فقط .. فما إن نعتاد الحياة الجديدة ويقل تأثير الحب بأثر التعود حتى تزول غشاوة الحب ( مراية الحب عمياء) ونبصر كل العيوب التى لم نرها من قبل أو رأيناها وتغاضينا عنها .. نظرنا إليها من فوق تلال الحب والشوق فرأيناها عيوبا صغيرة تافهة فلما تزوجنا وهبطنا من فوق التلال إلى السفح وجدناها صخورا مدببة تدمى الأقدام مع كل خطوة فى عمر الزواج.
    أما الزوجة التى نخشى عليها ونحس أنها مظلومة كونها ليست التجربة الأولى فى حياة الرجل .. فنحن نتناسى أنها التجربة الأولى بالفعل .. التجربة الأولى فى الزواج..
    لايمكن مقارنة الحب قبل الزواج بالحب بعده ..لايمكن مقارنة الاصطناع فى أغلب الأشياء إن لم يكن كلها بالواقع الحتمى .. هل أقارن إمرأة تزينت لعدة ساعات قبل أن أراها بزوجة استيقظت توا من نومها ؟؟
    وعلى الناحية الأخرى لا يمكن مقارنة لمسة ليد حبيبة فى ظلام المعصية بلمسة الزوجة فى نور الحق..
    الشعور مختلف للغاية..
    الأمر إذا حالات فردية .. بين رجل إختار زوجة صالحة يرتاح إليها وقطعا سيتحول الارتياح بالعشرة إلى حب .. وإن لم يكن بطغيان الحب الأول وفورة مشاعر الشباب ولكنه سيكون حبا هادءا متزنا
    وبين زوج ظالم .. اختار زوجة صالحة وعاش على ذكريات الماضى .. فظلم زوجته التى قطعا ستشعر بمكانتها فى حياة زوجها .. أهى عنده طعام بلا ملح أم هى وجبة شهية يتمناها دوما
    أما الزوجة فغالبا ما تكون على علم بأنها ليست المرأة الأولى فى حياة زوجها .. ويبقى أسلوب تعاملها مع هذا الموقف .. هل ستحتويه وتتغلب هى أولا على هواجسها فتستطيع أن تأسر قلب زوجها لتحول علاقتهما من زواج فقط إلى حب وعشق؟
    إن القلب إنما سمىّ بهذا الاسم اشتقاقا من صفة التقلب .. وقلب الرجل فى هذا المجال يغلب قلب المرأة التى فطرت على حب رجل واحد بينما الرجل أكثر قابلية لأن يقع فى أكثر من تجربة حب .. كلها صادقة .. ولكن بأحاسيس ومشاعر مختلفة .. لذا شرع الله التعدد للرجل ولم يشرعه للمرأة .. وقد إكتشف العلماء جينا وراثيا عند الرجل يظنونه سببا للتعدد .. وهو ينشط بدرجات مختلفة لدى بعض الرجال وليس كلهم.
    لذا أنا مع اختيار الزوجة الصالحة التى يحس براحة معها .. لأنه لو كان صادقا مع نفسه وراغبا فى بيت سعيد فسيتحول الارتياح إلى حب بكل تأكيد

    حسب Blogger أحمـــــد علـــــــى, في 2/5/08 12:26 م  

  • حقيقى المسألة دى واقعية جداا
    وفعلا ممكن يتعرض لها رجل او سيدة
    وهنا يأتى السوال؟
    هل اتزوج من احبه ولا من سوف ارتاح معه؟

    كثيرا ما نجد ان الحب الاول يفشل ويصادف الرجل او المرأه انسانه تحبه او انسان يحبها .وتملئ عليه حياه ويعترف او تعترف انه او انها ترتاح له ومستعدة للعيش معه وبناء حياه مستقرة
    وماذا عن الحب؟؟

    هل الحب مهم ولا بد منه؟
    ام الارتياح والرضى ؟
    مع الفارق الكبير بين كلا الاحساسين

    ولكن للاسف بعد فقدان الحب او فشل العلاقة العاطفية والحب الكبير
    يذهب الانسان اللى الراحة ويبدا حياه جديدة وهى حياه مستقرة ولكن بحب اقل مما كان

    حسب Blogger Muslima, في 7/1/09 12:38 ص  

  • اعتقد ان الرجل الذى يتزوج بمن احب
    لن يعيش سعيداً دائماً
    كما يقول عمنا احمد رجب
    قد يكتشف فيها
    صوت الشخير العالى
    وخلافه
    اما ان يحب
    ثم يفترق
    فسوف يحتفظ
    بالصورة الجميلة التى حملها لها أيام الطزاجة

    حسب Anonymous افلام عربي, في 10/2/09 7:39 ص  

  • حسب Anonymous موقع جوجو الشامل, في 29/3/10 11:40 ص  

  • حسب Blogger codecx, في 6/4/10 5:31 م  

  • حسب Blogger codecx, في 6/4/10 5:31 م  

  • حسب Blogger Honda, في 19/5/10 7:22 ص  

  • الموضوع جميل جدا بس لو العكس يعنى الزوجة هى اللى فى نفس الموقف يبقى متنفعش تكون زوجة أصلا لأن أى واحدة متزوجه تفكرى فى الماضى أو بمعنى أوضح أى واحد غير زوجها تبقى زوجه خاينة

    حسب Blogger سكون الليل, في 20/8/10 2:09 ص  

  • اتحدث عن موضوع متعلق بالانترنت ولكن مختلف جدا عما تعودنا او قرأنا فانا تحدث عن استثمار الانترنت
    بحرفيه شديدة قائمة على اسس علميه في مجالين اصبحا هامين جدا في هذه الأيام وأبدأ الحديث عنهما بسؤال
    ماذا تعرف عن التجارة الالكترونية ؟
    فكر
    طبعا ليست تجارة الالكترونيات مثل اجهزة الكمبيوتر
    ولكن التجارة الالكترونيه مصطلح جديد معناه البيع والشراء
    عن طريق الانترنت داخل نفس البلد او بين البلدان وبعضها ( الاستيراد والتصدير )
    وممكن يكون بي افراد وافرد او بين افراد وشركات او بين شركات وشركات
    ليه انا بعرض موضوع زي ده ( وكتير حيقول ايه الكلام ده )
    لان فرص عمل الشباب دلوقت محدودة جدا لكن في وجود الانترنت يعني بنتكلم عن
    ملايين الشركات انت ممكن يكون عندك شركة ( موقع يعرض منتجات )
    من غير ما يكون عندك مصنع ولا مخزن
    بجد
    ده نوع من التجارة الالكترونية اسمه ( Drop shipping ) او اسقاط الشحن
    وفيه مواقع مصرية متخصصة في المجال ده وان شاء الله حدلكم على بعضها
    التسويق الالكترونى
    طبعا اي تجارة تحتاج الى تسويق ( المنتج لن يبيع نفسه ) والتسويق ببساطة هو دعايه
    و ده ابسط من التجارة الالكتروني
    ودلوقت اصبح في وظيفة مسوق الكتروني في كثير من الشركات وبراتب محترم
    تخيل انك ممكن تشغل في التسويق الالكتروني وانت قاعد على الفيس بوك
    تعرض المنتجات وتشجع الناس على شرائها
    ايضا ال يوتيوب وسيله تسويق ده حتى الاميل وسيلة تسويق
    بس طبعا الكلام ده محتاج لدراسه
    انا بتكلم من خلال خبرة عمل في هذه المجالات
    وفيه مواقع دلوقت بتقدم تعليم للتجارة الالكترونية والتسويق الالكتروني
    واتمنى أن اكون قدمت شئ مفيدا
    واليكم رابط به تفاصيل اكثر عن هذا المجال
    http://ecm4u.zxq.net/
    ( أتمنى من الادارة عدم حذف الرابط لتعم الفائدة على الجميع )
    انتظر الردود على الموضوع

    حسب Anonymous Mahmoud AlHamrawy, في 25/8/10 1:39 ص  

  • طلامة اتجوزتها اكيد لازم تكون بتحبها لان مفيش راجل بيجوز كدا اى حد بعكس البنت . البنت ممكن تجوز عن حب و دا نادر لاكن اغلابيت البنات بيجوزا جواز ما يعرف بالجواز التقليدى لان البنت مرتبطة بعمرها عشان الخلفة و جمالها لاكن لا اعتقد ابدا ان الراجل ممكن يجوز جواز تقليدى

    حسب Anonymous نوجا, في 5/1/11 4:19 م  

  • الراحه بين الزوجين متبادله شكرا اخى على طرحك المميز وفقكك الله

    امضاء
    النهدى للعناية

    حسب Anonymous النهدى للعناية الصحية, في 18/5/11 12:16 ص  

  • جميل جدا
    تقبل مروري

    حسب Anonymous سعودي كول, في 12/7/12 9:13 ص  

  • حسب Blogger عرب قيرلز, في 7/1/13 9:47 ص  

  • يسعدلي مساكم يارب ولك تئبشوني شو حلوين.

    حسب Anonymous غير معرف, في 19/5/13 5:52 م  

  • هل المرأة التي احب تصلح ان تجعلني سعيدا و مرتاحا معها؟ سؤال صعب ،فالرجل يعرف في حياته المرأة التي يحب ولا يتزوج و المرأة التي يتزوج لكي يرتاح ممن يحب و لأن الحب في مؤسسة الزواج لا يضمن أيضا الراحة

    حسب Blogger hicham khalifi, في 17/6/13 8:24 م  

  • لعبة الزواج لا تصلح لمن يبحث عن الحب و الراحة... نحن الرجال نقامر بالحرية والنساء يقامرن بالسعادة ،،،،
    والمرأة التي لا نتزوج هي التي تبقى في اذهاننا صالحة للحب ،لتبادل الحب و الراحة بعد الحب

    حسب Blogger hicham khalifi, في 17/6/13 8:34 م  

  • مدونة بجد جميلة

    حسب Anonymous مركز الاسهم, في 30/8/13 1:50 م  

  • حسب Blogger Gamal Ali, في 24/6/15 8:00 م  

إرسال تعليق

الاشتراك في تعليقات الرسالة [Atom]



<< الصفحة الرئيسية